Ođđa duođaštuvvon koronanjoammun Guovdageainnus

Ikte eahkes lea ovtta olbmos duođaštuvvon koronavirusnjoammun Guovdageainnu dearvvašvuođaguovddáža vuoiŋŋahatklinihkas. Sus eai leat lagasoktavuođat Guovdageainnus.

Ikte eahkes lea boahtán diehtu ahte ovtta olbmos lea duođaštuvvon covid-19 njoammun go lea váldán johtilisiskosa Guovdageainnu dearvvašvuođaguovddáža vuoiŋŋahatklinihkas. PCR-iskkus lea váldon ja vuordit iskkusvástádusa moatti beaivvi geahčen.

Son lea váldán iskosa ovttatmano go bođii Guovdageidnui ja danne eai leat lagasoktavuođat Guovdageainnus.

Son lea boahtán Guovdageidnui lullinorggas ja lea mannán isolašuvdnii positiiva iskkusbohtosa maŋŋel.

 

Suohkan muittuha ássiid ain leat várrogasat, váldit iskosa jus dovdet dávdamearkkaid, doallát buori gaskka earáide ja dávjá bassat gieđaid. Maiddái jus leat váldán koronaboahku.

 

Gulahallanolmmoš:
Sátnejođiheaddji Hans Isak Olsen, tlf.: 480 55 887