Koronavirus. Gean berre iskat?

Guovdageainnu suohkana váldodoavttir rávve dáinna lágiin, álbmotdearvvašvuođa eavttuid vuođul:

Dáid joavkkuid berre vuoruhit iskat:

Sii geain lea fáhkkatlaš vuoiŋŋahatinfekšuvdna feberiin, gosáhagain dahje lossavuoiŋŋahagain ja gii seammás:

  • Dárbbaša divššu buohcciviesus
  • Lea pasieanta dahje orru dearvvašvuođaásahusas
  • Bargá dearvvašvuođabálvalusas lahká pasieanttaid (dán joavkku sáhttá árvvoštallat iskat maiddai geahppaset fáhkkatlaš vuoiŋŋahatdávdamearkkaid dihte mat leat bistán eambbo go 2 jándora)
  • Lea deavdán 65 jagi ja geas lea vuollálaš, bissovaš buozanvuohta (váibmo-varrasuotnadávda, diabetes, bissovaš geahpesdávda, borasdávda ja alla varradeaddu)
  • Lea leamaš lahká olbmot geas lea duođaštuvvon koronavirusdávda (covid-19). (Dán joavkku sáhttá vulosvuoruhit jus unnu kapasitehta)

Gean ii galgga vuoruhit?

  • Olbmot geain eai lea covid-19 dávdamearkkat, sis II GALGGA váldit iskosa
  • Olbmuide geain leat geahppaset fáhkkatlaš vuoiŋŋahatinfekšuvdna, ii dábálaččat fállojuvvo iskosa váldit, vaikko leat leamaš mátkis. Sii galget orrut ruovttus dassážii go eai dovdo dávdamearkkat, ja vel ovtta beaivvi. Geahppaset fáhkkatlaš vuoiŋŋahatinfekšuvdna sáhttá ovdamearkka dihte leat nuorvu dahje čottabávččas.

https://www.fhi.no/nyheter/2020/presiserer-testkriteriene/