Koronaboahkuheapmi

Guovdageainnu suohkan joatká koronaboahkuhemiin ja fállá dál koronaboahku ođastan-dosa buohkaide geat leat badjel 45 jagi

Geat sáhttet oažžut boahku dál:

  • Buohkat badjel 12 jagi geat eai leat boahkuhuvvon
  • Buohkat geat leat 16-17 jagi ja leat ožžon 1.dosa 8-12 vahkku áigi ja eai leat ožžon 2.dosa
  • Buohkat badjel 18 jagi geat leat ožžon 1.dosa 4 vahkku áigi ja eai leat ožžon 2.dosa
  • Buohkat badjel 45 jagi geat leat ožžon 2.dosa 5 mánu áigi ja eai leat ožžon 3.dosa
  • Buohkat badjel 65 jagi geat leat ožžon 2.dosa 5 mánu áigi ja eat leat ožžon 3.dosa
  • Buohkat geain ii leat immuvdnasuodjalus geat leat ožžon 2.dosa 4 vahkku áigi ja eai leat ožžon 3.dosa
  • Buot dearvvašvuođabargit vuollel 65 jagi geat leat ožžon 2.dosa eanet go 5 mánu áigi ja eai leat ožžon 3.dosa
  • Dasa lassin:
    • Olbmot 18 jagis ja bajás geain leat čuovvovaš vuollálas dearvvašvuođadilálašvuođat: sii geat leat čađahan orgánalonuheami, sii geain lea heitot immunasuodjalus, hematologalaš birasdávda maŋemus vihtta jagi, sii geat ožžot borasdávdadálkkodeami dahje leat aitto geargan borasdávdadálkkodemiin, neurologalašdávddat dahje deahkkedávddat mat dagahit ahte lea hedjonan gossannávccat dahje geahpesdoaibma, Downs syndroma, guhkálmas monimušdávda dahje mearkkašahtti heajos monimušdoaibma. 

 

MII?

Korona- ja influeansaboahkuheapmi, dasa lassin fállat boahku geahpesboalddáhaga vuosttá (pneumokokkvaksine).

Lea drop-in, ii dárbbaš diŋgot áiggi, dušše boahtit. Koronaboahkuheapmi lea nuvttá buohkaide. Influeansaboahkut lea nuvttá riskkajoavkkuide. Pneumokokkboahkut máksá ru 400,-.  

GOAS?

Juohke gaskavahkku dii. 09:00 – 17:00 gitta 15.12.2021 rádjai.

GOS?

Coop Jernvare Guovdageaidnu gealláris. 

Sisaboahtin lea gealláris, uvssaid čađa mat leat suohkanviesu guvlui.

 

Leat go dus jearaldagat?

Sáddes e-boasta: korona@kautokeino.kommune.no

 

Dieđuid koronaboahku birra gávnnat FHI siidduin.

Dieđuid influensaboahku birra gávnnat dáppe.

Dieđuid pneumkokkvaksine birra gávnnat dáppe.