Korona ođđaseamos dieđut – vahkku 22

Ii leat duođaštuvvon koronavirusa Guovdageainnu suohkanis.

Ovddit vahkku leat váldon 112 koronaiskosa, main buot bohtosat ledje negatiiva.  

 

Koronaboahkuheapmi joatká nu movt plánejuvvon ja mii leat vahkku 22 addán 166 boahkkodosa. Dat mearkkaša ahte Guovdageainnu suohkan lea dán rádjai addán obbalaččat 1424 koronaboahkkodosa. Leat boahkuhan 78 olbmo geat leat ožžon vuosttaš dosa ja 88 olbmo geat leat ožžon nuppi dosa dán vahkku. Guovdageainnu koronaboahkuhanlogut.

Guovdageainnu suohkan lea geargan boahkuheame olbmuid geat gullet vuoruhanjoavkkuide 1-6. Mii leat álgán boahkuhit olbmuid geat gullet 7. vuoruhanjovkui 7 (ahki 18-44 jagi geain leat vuollálas dávddat) ja 8. vuoruhanjovkui (ahki 55-64 jagi).

Guovdageainnu suohkan oažžu vahkku 23 sullii 20 koronaboahkkoláse ja 19 láse main koronaboahkut vahkku 24.

Mii háliidit dieđihit ahte mis lea leamaš jápmin suohkanis mas ii sáhte lihccut oktavuođa koronaboahkuheapmái. Mii leat dan dihte bidjan johtui proseassaid ja gulahallan álbmotdearvvašvuođainstituhtain ja stádahálddašeaddjin čielggadandihte jápminsiva.