Johtolatsihkkárvuođaplánen ja johtolatsihkkárvuođaruhta

Guovdageainnu suohkan háliida evttohusaid doaibmabijuide mat ovddihit johtolatsihkkárvuođa sihke dasa mii guoská johtolatsihkkárvuođaplánii ja fylkagieldda johtolatsihkkárvuođaruđa juolludeapmái.

Gangvei med spor i snø - Deaddil ja stuora govva ihtáVázzinluodda masa suohkan oaččui ruđa fylkka johtolatsihkkárvuođaruđain bidjat čuovggaid. Maia Hætta   

Guovdageainnu suohkan lea álggahan barggu ođasmahttit johtolatsihkkárvuođaplána.

Dát galgá gustot jagiid 2021-2024. Suohkanstivra galgá meannudit plána juovlamánu čoahkkimis. Johtolatsihkkárvuođaplána lea strategiijadokumeanta mii iešguhtet dieđuid vuođul galgá čujuhit návccastansurggiid ja johtolatsihkárvuođadoaibmabijuid máid suohkan vuoruha dan boahttevaš 4 jagi.

Guovdageainnu suohkana johtolatsihkkárvuođa suohkanoasseplána 2014 – 2020 (PDF, 603 kB)

Plána lea maiddai eaktun oažžut fylkagieldda johtolatsihkkárvuođaruđa.


Seammás lea dál Romssa ja Finnmárkku fylkagielda almmuhan fylkagieldda johtolatsihkkárvuođaruđa ohcanláhkái. Dán ruđa sáhttá vaikko gii ohcat, leš dál dábálaš olmmoš, fitnodat, searvi dahje suohkan.

Áššemeannudeami njuolggadusat ja bagadus

Elektrovnnalaš ohcaskovvi

Áigemearri buktit evttohusaid sihke johtolatsihkkárvuođaplánii ja johtolatsihkárvuođaruđa dáfus lea golggotmánu 29. beaivi 2020, sáddes áinnas suohkana e-boastaboksii.

 

Teknihkalaš ovttadaga suohkanjođiheaddji

Nikken Turi
Inšenevra/Ingeniør
E-poasta
Telefovdna 922 71 172