Háliidat go oahppat goarrut girjjátgávtti?

Jus leat gaskal 13 ja 16 jagi de lea du dál vejolašvuohta oahppat goarrut Guovdageainnu girjjátgávtti.

Guovdageainnu suohkan lea rámis min álbmoga duodjeárbevieruid dihte, ja háliidit addit máhtu boahtteáiggi buolvvaide. Dan dihte lea min mielas hui somá bovdet nuvttá easkkaálgikursii oahppat duddjot girjjátgávtti.

Kursa álgá bearjadaga miessemánu 29. beaivvi 2020, Guovdageainnu mánáid- ja nuoraidskuvllas, ja čađahuvvo dán láhkái:

  • Oahppat teoriija ja praktihkalaš goarruma: bearjadagas 29.05 sotnabeaivái 31.05.
  • Oahppat praktihkalaš goarruma: lávvordaga 06.06 ja sotnabeaivvi 07.06. Jus lea dárbu dollestit kurssa maiddai bearjadaga 05.06.

Eambbo dieđut álgima birra ožžot oasseváldit dađistaga.

Dá lea easkkaálgiide kursa, dan dihte ii dárbbaš máhttit maidege go álgá. Suohkan doallá goarrunmašiinnaid kursabeivviide, ja dárbbašlaš ávdnasiid nuvttá.

Kursii lea sadji 5 olbmui dál álggos. Jus fal lea beroštupmi, de doallat eanet girjjátgáktegoarrunkurssaid čavčča mielde.

Jus du mielas orro miellagiddevaš riŋges Svanhild Camilla Utsi 40448408 dahje čáles e-boastta ovdal mánnodaga 25.05.2020, ja muital oanehaččat manne háliidat leat mielde kurssas. Jus leat jearaldagat kurssa birra, de maiddai gulahalat Svanhildain.

Guovdageainnu suohkan áigu dieđihit ahte kursa dollo Álbmotdearvvašvuođainstituhta gustovaš njuolggadusaid mielde Covid-19 (koronavirusa) hehttet virusleavvama.