Ruovttusuodjalusa hárjehallama oktavuođas mii čađahuvvo Guovdageainnus dán vahkku lea rutiinnalaš koronaiskkadeapmi váldon soalddáhiin geat leat boahtán Álttás. Guoktásis lei positiiva koronaiskkusboađus.

Soalddáhat leat vuoddján iežaset priváhta biillaiguin Álttás Guovdageidnui ja dan dihte eai leat lagasoktavuođat Guovdageainnus. Álttá suohkana soalddáhat leat sáddejuvvon ruoktot Áltái ja ruovttusuohkanis lea ovddasvástádus čađahit njoammuguorrama.

Positiiva iskosbohtosit geažil galget buot eará soalddáhat geat leat mielde ruovttusuodjalus hárjehusas maid váldit koronaiskosa.