Guovdageainnu suohkanis ii leat koronavirus njommon

Ođđa jahki lea vahku boaris ja dán rádjái ii leat duođaštuvvon ovttasge koronavirus Guovdageainnus.

Koronaboahkuheapmi

Guovdageainnu suohkan lea dál boahkuhišgoahtán koronavirusa vuosttá. Dán vuosttaš vahku leat bidjan 13 boahkuhandosa. Vahkku 2 galgat vel eambbogiid boahkuhit, dan mielde galle boahku oažžut deike.

FHI ođđa rávvejupmi

 

Digitála boahtinregistreren

Buohkat geat bohtet Norgii fertejit registreret iežaset boahtima, ovdal go ollejit riikii.

Dán sáhttá bargat áramusat 72 diimmu ovdal go olle Norgii.

Ráđđehusa diehtu Norgii boahtima birra

Sáhttá maiddai báberskoviin addit dán dieđu. De galgá čálihit, deavdit ja vuolláičállit ovdal go boađát ja geiget politiijaide ráje nalde.

Báberskovvi (PDF, 70 kB) 

 

Boahti olbmuid iskat

Guovdageainnu suohkan lea rádjesuohkan, ja dat mearkkaša ahte min lusa bohtet mátkkošteaddji riikkain main lea errengeatnegasvuohta go ollejit Norgii Geađgeluobbala rádjestašuvnna bokte. Sii geat bohtet, sis lea geatnegasvuohta váldit koronaiskosa maŋemusat 24 diimmu maŋŋel go leat ollen. Sii galget bargat dán dan suohkanis gos galget orrut.

Dearvvašvuođadirektoráhtta reive (PDF, 202 kB)