Guovdageainnu suohkanis ii leat dán vahku ge ilbman koronanjoammun.

Dál váldiigohtet olbmot juovlafriddja, ja soitet lihkádišgoahtit eambbo. De heivve muittuhit ahte lea ain dehálaš doalahit gaskka, sáibbuin ja čáziin bassat gieđaid bures ja bissut ruovttus jus leat buohcci. Ja dieđusge muittahallat geat du lagasoktavuođat leat leamaš daid maŋemus beivviid. Deaddil ja stuora govva ihtá 

Boahkku lea boađi boađi.

Našunála eiseválddit leat dieđihan ahte Davvi-Norge lea vuoruhuvvon oažžut dárbbašlaš dávviriid (PDF, 37 kB) álggos. Viidásit ahte boahkut leat boahtime maŋŋil ođđajagi.

Boahkuheami čađaheami leat plánen. Sii geat vuoruhuvvojit álggos boahkuhuvvot leat vuoras olbmot buhcciidruovttuin, ja de vuoras buohcci olbmot geat orrot iežaset ruovttuin. Dan maŋŋil vuoras olbmot 65 jagi ja bajás, ja de olbmot agis 18 – 64 jagi geat gullet riskajoavkkuide. Dearvvašvuođabargit ja álbmot muđui boahkuhuvvo de loahpas.

Našunála eiseválddit mearridit vuoruhanráiddu.

Jus Guovdageidnui šaddá stuorit njoammudanbárru, sáhttá vuoruhanráidu rievdat.

Dearvvašvuođabálvalus váldá oktavuođa buohkaiguin geat gullet boahkuheami ulbmiljovkui ja šiehttat boahkuhanáiggi. Buohkat geat boahkuhuvvojit fertejit váldit guokte boahkuhandosa, ja nuppi váldá 3 vahku maŋŋil dan vuosttaža. Eambbo dieđut bohtet.