Guovdageainnu suohkana ođđaseamos dieđut koronadilálašvuođas

Odne, bearjadaga skábmamánu 13. beaivvi, ii leat dieđihuvvon koronanjoammun min suohkanis.

Sátnejođiheaddji ávžžuha ođđasit álbmoga ahte eai vuolgge finadit ja mátkkoštit jus ii leat jur áibbas bággu. Dát lea dehálaš nu ahte bissehit njoammuma leavvat dáppe min lagasguovlluin.

Beazedievvá mánáidgárdi unnida rabasáiggi diimmuin olggos skábmamánu. Dát gusto mánnodaga skábmamánu 16. beaivvi rájes. Mánáidgárddi rabasáigi lea de 0800 - 1600.
Dáinna lágiin sáhttá mánáidgárdi doallat rabas dan sadjái go giddet ossodagaid. Mánáidgárddis váilot bargit go ávžžuhus buohkaide lea bissut ruovttus go leat nuorvodávdamearkkat. Dál lea maiddai váttis oažžut sadjásašbargiid.

Doavtterbálvalus lea 12.11 rájes bargagoahtán joavkkuin, okta joavku bargá ruovttus telefovnna ja video bokte, og okta joavku bargá dearvvašvuođaguovddážis.
Dát lea dan dihte go min ránnjásuohkanis lea nu eahpečielga dilli, ja mii leat rašit jus dávda njoammu deike.

Álbmot ávžžuhuvvo riŋget našunála koronatelefovdnii, 815 55 015, go čuožžilit jearaldagat mat lunddolaččat gullet dohko. Ovdamearkkat áššiin leat rukses/fiskes riikat, erren, rádjerasttildeapmi jna.