Guovdageainnu suohkana ealáhusfoanda

Covid 19-leavvan lea addán stuora hástalusaid ealáhusaide ollu suohkaniin, maiddai Guovdageainnus. Dál rahppo fas vejolašvuohta ohcat doarjaga suohkanlaš ealáhusfoanddas mii lea ásahuvvon korona-dilálašvuođa geažil.  

Dát lassi doarjja galgá láhčit dili lasihit doaimma, barggaheami ja árvoháhkama dasa lassin ahte ovdánahttit máŋggabealát ja gilvovuoimmálaš ealáhusaid suohkanis. Ealáhusfoandda ulbmiljoavku leat:

- Ealáhuseallinoasálaččat Guovdageainnu suohkanis
- Fitnodatálggaheaddjit geat áigot ásahit doaimma Guovdageainnu suohkanis
- Earát geat barget fitnodatásahemiiguin ja ealáhusdoaimmaid ja ealáhusviesuid láhčimiiguin Guovdageainnu suohkanis

Go árvvoštallat doarjjaohcamiid de deattuhit erenoamážit:

a. Man muddui doaibmabidju ovddida ahte doaibma, barggaheapmi ja árvoháhkan lassána vuođđuduvvon báikkálaš hástalusaide, dárbbuide ja potensiálii

b. Man muddui fitnodatnjulgejuvvon doaibmabijut, doarjja álggaheddjiide ja eará ealáhusnjulgejuvvon doaibmabijut sáhttet vuosttildit negatiiva váikkuhusaid covid-19 leavvama dihte.

c. Man jođánit doaibmabidju sáhttá álggahuvvot

Foandda sturrodat lea kr 1 700 000,-. Sáhttá ohcat doarjaga kr 200 000,- rádjái. Čohkkejuvvon doarjja ealáhusfoanddas ii sáhte mannat badjel 75% prošeavtta kapitáladárbbus. Doarjja máksojuvvo maŋŋegihtii. Doarjja sáhttá goitge máksojuvvot belohahkii dađistaga go doarjjaoažžu duođašta movt doaibmabiju čađaheami johtu lea. Jus lea dárbu ruđain oažžut prošeavtta johtui, sáhttá gitta 15 proseanta doarjagis máksojuvvot doaibmabiju álggus.

Čujuhit čuovvovaš láhkaásahusaide: 

Midlertidig forskrift om tilskudd til kommunale næringsfond som følge av covid-19-utbruddet

Forskrift for distrikts- og regionalpolitiske virkemidler

Ohcanáigemearri lea 31.12.2020, ohcamiid meannudit dađistaga. Ohcamiid galgá sáddet regionalforvaltning.no bokte.

Deaddil ja stuora govva ihtá