Guovdageainnu koronastáhtus ja muittuhus álbmogii

Dás gávnnat dieđuid Guovdageainnu suohkana covid-19 njoammumiid birra ja maid galggat bargat jus oažžut positiiva koronaiskkusbohtosa dahje jus fertet njoammunerremii.  

Guovdageainnus leat dál oktiibuot 4 olbmo isolašuvnnas covid-19 njoammuma dihte.

Okta dáin lea sáddejuvvon Hámmárfeasta buohccivissui.

Guovttis leaba lagasoktavuođat ja leaba leamaš njoammunerremis.

Okta dáin geas lea ikte duođaštuvvon koronanjoammun lea oahppi Máze skuvllas. Buohkat su klássas leat ikte váldán iskosa mat ledje negatiiva.

 

Positiiva vástádus koronaiskosis

Mii muittuhit álbmoga ahte GALGÁ addit dieđu suohkanii go lea ruovttus váldán koronaiskosa mas lea positiiva iskkusboađus. Dat lea earenoamáš dehálaš dan dihte go suohkanváldodoaktáris ja njoammunguorranteamas lea ovddasvástádus čađahit njoammuguorranbargguid go čájehuvvo ahte lea positiiva iskkusboađus. Lea maiddai sis geas lea váldi árvvoštallat geat definerejuvvojit lagasoktavuohtan.

Jus leat váldán positiiva koronaiskosa, galggat riŋget dán nummárii: 41 33 33 42

 

Manin lea dál dehálaš doallat 2 mehtera gaská earáide?

Dat lea dehálaš dan dihte go definerejuvvot lagasoktavuohtan jus dus lea leamaš unnit gaskka go 2 mehtera muhtumii geas duođaštuvvon covid-19 njoammun eanet go 15 minuhta.

Jus don definerejuvvot lagasoktavuohtan de fertet 10 beaivvi leat njoammunerremis, beroškeahttá leat go váldán koronaboahku vai ii.

Jus šattat lagasoktavuohtan dál sáhttá váikkuhit juovlaávvudeami – mii ávžžuhit álbmoga doallat gaská.

 

Dál leat oallugat njoammunerremis, ja de lea dehálaš ahte buohkat čuvvot daid njuolggadusaid mat gusket sidjiide geat galget leat njoammunerremis. Dáppe gávnnát makkár njuolggadusat gustojit dutnje gii leat njoammunerremis.

 

Koronaárgabeaivvi rávvagat