Eambbo dieđut koronanjoammuleavvama birra

Guovdageainnus leat njealjis dan maŋemus vahkku ožžon positiiva covid-19 iskkusbohtosiid.

Okta njoammun duođaštuvvui disdaga golggotmánu 5.beaivvi. Dát olmmoš lea dál UNN buohcciviesus ja foarbma lea stabiila. Sutnje lea njommon mátkkis, ja ii leat njommon earáide.

Ikte golggotmánu 11.beaivvi duođaštuvvo 3 ođđa njoammuma. Vuosttaš olmmoš válddi iskosa láivves vuoiŋŋahatdávdamearkkaid dihte mátkki maŋŋel.  Njoammuguorran álggahuvvui, ja guokte eambbo njoammuma duođaštuvvo. Buot golmmas leat isolerejuvvon, ja leat láivves dávdamearkkat.

Golmmas dáin leat ollislaččat boahkuhuvvon. Okta lea váldán ovtta boahkkodosa.

Ikte golggotmánu 11.beaivvi leat 50 olbmo váldán koronaiskosa. Lea hui dehálaš ahte buohkat geat dovdagohtet dávdamearkkaid váldet iskosa, nu ahte mis lea buorre kontrolla njoammuleavvamis.

 

Ođđa áigi iskkadeamis:

Disdaga 12.10.21 dii. 13:00. Lea drop-in (it dárbbaš diŋgot áiggi).

Mii atnit iežasiskosiid, ja dat leat nuvttá.

 

Boahkuheapmi joatká nu movt dábálaččat.

 

Mii bivdit álbmoga:

  • bissut ruovttus jus lea buohcci
  • váldit iskosa jus dovdagoađát dávdamearkkaid
  • váldit boahku

 

Jus dus leat gažaldagat, sáhtát riŋget telefovdnii 413 92 709
dahje čállit e-boasta korona@kautokeino.kommune.no