Buot guossit galget váldit koronaiskosa

Ráđđehus lea mearridan ođđa láhkaásahusmearriduvvon njuolggadusaid mat leat doaimmas 25.03 rájes. Guovdageainnus ii leat oktiige njommon Covid-19 min dieđuid mielde ja mii joatkit boahkuhemiin.

Ráđđehusas bohte ođđa láhkaásahusmearriduvvon njuolggadusat 23.03, gos eanas njuolggadusain biddjoje johtui 25.03 ja leat doaimmas gitta ođđa mearrádus dáhkko. Ovdal 12.04 galgá Ráđđehus dahkat ođđa veardideami njuolggadusain. Mii leat čállán dáid njuolggadusaid dán artihkkalis mii lea ođastuvvon 25.03.

Mii deattuheatnot cealkámuša dien artihkkalis: Buohkat geat bohtet báikkiin gos lea alla njoammudeaddu ávžžuhuvvojit váldit koronaiskosa. Guovdageainnu suohkan fállá vejolašvuođa váldit johtilisiskosa.

Koronaiskkusdiimmu diŋgot telefovnna bokte go riŋget doaktárkantuvrii Guovdageainnu dearvvašvuođaguovddážis. Telefovdna nummár lea 78 48 72 60. Diŋgonáiggit leat mánnodagas bearjadahkii dii. 08:30-11:15 ja 12:00-15:00.

Beassážiid, go leat bassebeaivvit, sáhtát riŋget dán telefovdna nummárii 413 92 709 gaskal dii. 08:00-20:00, go áiggut diŋgot koronaiskkusdiimmu.

Ii leat oktage dovddus Covid-19 njoammun Guovdageainnus dál.

54 olbmo leat ožžon koronaboahkuheami vahkku 12is, dat mearkkaša ahte mii leat addán oktiibuot 382 boahku ja ahte 141 olbmo leat ožžon guokte boahku ja leat de ollásit boahkuhuvvon.

Norga lea 26.03 mearridan ahte ain vuordit ovdal go fas váldit atnui AstraZeneca boahkuid gitta eambbo dieđut bohtet dan birra. Ođđa mearrádus dien birra dáhkko ovdal 15.04. Guovdageainnu suohkan joatká boahkuhemiin eará boahkuhansorttaiguin.