Bjarne Langseth lea fágagirjjálaš girječálli ja historihkkár geas lea earret eará politiijaoahppu ja moadde jagi politiijan Finnmárkkus. Sus lea viiddis hárjáneapmi medias journalistan, redakšuvdnajođiheaddjin ja redaktevran. Dán girjjiin lea Langseth čállán 11 čáppagirjjálašvuođa girjji geaidnohistorjjá, elrávnnji historjjá, mearrahistorjjá, mátkeealáhushistorjjá ja politiijahistorjjá birra.
Dá oassi Viddas voktere girjjis:
Norggas lea politiijain erenoamáš ossodat mii lea áibbas earenoamáš máilmmis. Politiijaveahka man váldobargun lea eastadit riidduid ja dutkat boazodollui laktáseaddji vearredaguid. Boazopolitiija ásahuvvui geahččalanortnegin geasset 1948:s ja 1949:s, ja lei mielde stáhtabušeahtas 1950:s.
Boazopolitiijat leat bearráigeahču, bagadallama ja ráŋggáštusdoaimmaid bokte čađahan lágaid ja njuolggadusaid vai boazosápmelaččat ožžot riektesuodjalusa iežaset ealáhussii. Sii leat geahččalan čoavdit dahje geahpedit riidduid sihke siskkáldasat boazodoalloealáhusas ja iešguđet ealáhusaid gaskkas.
Go Finnmárkkuviidodaga luondduriggodagat uhkiduvvojedje badjelmeare vearuheami geažil, de nannejuvvui politiijabearráigeahčču, ja boazopolitiijat jođihedje rahčamuša seailluhit erenoamáš hearkkes luonddu.
Viddas Voktere girjjiin govvida boazopolitiijaid doaimmaid, sin iežaset vásáhusaid ja oainnuid bokte eambbogo 75 jagi čađa. Dáinna lágiin beassá lohkki váldit oasi daid erenoamášvuođaide ja vásáhusaide mat leat dovdomearkan boazopolitiijaide iešguđet áiggiid čađa.