Dáid juovllaid lágidit stuorámus juovlakonseartta mii goasse lea lágiduvvon Guovdageainnus, gos min iežamet musihkkárat, lávlut, koara ja mánáid dánsunjoavku leat guovddážis. Mii leat ráhkadan iežamet veršuvnnaid beakkán juovlalávlagiin, sihke davvi-, julev- ja lullisámegillii, eŋgelasgillii, suomagillii ja dárogillii. Eanas musihkkárat leat čuojahan Lounge Sámis goas nu, dahje leat čadnon Guovdageainnu ja Finnmárkku musihkkárbirrasii.

Lounge Sápmi háliida addit ruovttoluotta servodahkii, ja mii leat gullan ahte Guovdageainnu vuođđoskuvllas váilot musihkkarusttegat musihkkadiimmuid váste. Dan dihte mii oastit bileahttasisaboađu badjelbáhcagiin albma musihkkarusttegiid sidjiide, sihkkarastit ahte vuođđoskuvllas eai galgga váilevaš musihkkarusttegat caggat musihkkaoahpu.

Váimmolaš bures boahtin Lounge Sápmi juovlakonsertii, Guovdageainnu girkus:
Lávvordaga 2.12 dii. 19:00
Sotnabeaivve 3.12 dii. 20:00 (Čuovgameassu maŋŋel)

CC: 200,-

Bileahtaid sáhttá oastit uvssas dahje ovdagihtii Davvi Divisionis (industriijavisti nuppe beal luotta kulturviesu).

___

Bándas: 
Anthoni Hætta (piáno)
Áslat Eira (gitára)
Roger Ludvigsen (gitára)
Esben T. Andersen (rumbbut)
Thomas T. Andersen (rumbbut)
Vegard Olaussen (bássa)
Anja H. Hætta Bergkvam (trombone)
Ville Söderbaum (saksofovdna)
Mina Haugen (klarineahtta)
Johan Daniel Turi (trompehta)

Lávlut: 
Ayla Nutti
Astrid Tuorda
Elina Ijäs
Inger Johanne Oskal
Nilsa Nutti
Saara Hermansson
Sara Sofia Mienna
Dimitri Joavku

Dánsun:
Guovdageainnu kulturskuvlla dánsunjoavku

___